Duman səbəbindən Ermənistan paytaxtına enməli olan bir neçə reys digər hava limanlarına enməli olub.
“Füyuzat”ın məlumatına görə, bu barədə “Zvartnots” hava limanının mətbuat katibi Lusine Moqrovyan məlumat yayıb.
Eyni zamanda, “Ermənistan Hava Yolları” aviaşirkətinin göyərtəsi bir neçə dövrə vurduqdan sonra Gümrüyə enib.
Qeyd edilib ki, Şarm əl-Şeyx (Air Cairo), Larnaka (Wizzair), Əbu-Dabi (Wizzair), Dubay (Fly Dubai) və Şarjadan (Air Arabia) Ermənistana səfər edən təyyarələr havanın yaxşılaşmasını gözləyir və İrəvan səmasında dövrə vurmağa davam edir.
