İsrail ordusu cümə axşamı günü Livanın cənubundakı beş şəhərə hava zərbələri endirib.
“Füyuzat”ın məlumatına görə, bu barədə Livanın dövlət mediası və İsrail ordusu bildirib.
Livanın dövlətə məxsus Milli Xəbər Agentliyi (NNA) Səhiyyə Nazirliyinə istinadən xəbər yayıb ki, keçən ilki müharibə nəticəsində viran qalan sərhəddə yerləşən Mais əl-Cəbəl şəhərinə hava zərbəsi endirilib, bir nəfər yaralanıb.
NNA-nın verdiyi məlumata görə, zərbələr həmçinin Debin, Burj Qalaviya, Əl-Şəhabiyyə və Kfar Tibnit şəhərlərinə də endirilib, yollar hücumlardan qaçan insanlar tərəfindən bağlanıb. “Agence France-Presse” müxbiri Debin yaxınlığındakı zərbələrdən sonra şəhərdən tünd tüstülərin qalxdığını görüb.
