İsrail hökuməti bu ay BMT-nin bütün humanitar missiyalarının Qəzza zolağının şimal bölgəsinə daxil olmasına imkan verməyib.
“Füyuzat”ın məlumatına görə, bunu BMT-nin Fələstinin işğal olunmuş ərazilərindəki Humanitar İşlər üzrə Koordinasiya Şurasının (OCHA) nümayəndə ofisindən bildiriblər.
“OCHA xəbər verir ki, dünən və bu gün mühasirədə olan Qəzzaya humanitar yardımın çatdırılması üçün altı cəhdin qarşısı alındı”, – təşkilatın hesabatında deyilir.
Mətndə qeyd edilib: “BMT-nin bu ay ərzaq, su və ya tibbi ləvazimatların çatdırılması üçün bu ərazilərə giriş əldə etmək üçün etdiyi hər bir cəhd imtina və ya maneələrlə üzləşib”.
Təşkilatın məlumatına görə, oxşar missiyalar üçün daha 4 müraciət İsrail hakimiyyətinə təhvil verilib.
