İtaliyanın şimal-şərqində yerləşən Ravenna şəhərində liman işçilərinin xəbər verməsi və yerli hökumətin reaksiyasından sonra partlayıcılarla dolu konteynerlərin İsrailə daşınması dayandırılıb.
“Füyuzat”ın məlumatına görə, bu barədə İtaliya mətbuatı xəbər yayıb.
Qeyd edilib ki, Ravenna limanındakı işçilərin xəbərindən sonra Ravenna Bələdiyyəsi və Emilia-Romagna Regional Hökuməti İsrailin Hayfa limanına partlayıcı maddələr daşıdığı iddia edilən iki konteynerin qarşısını almaq üçün müdaxilə edib.
Ravenna meri Alessandro Barattoni də hökumətdən İsrailə silah göndərilməsini dayandırmağı xahiş edib.
Baş nazirin müavini və xarici işlər naziri Antonio Tacani İsrailə silah göndərmədiklərini bildirib və Ravennadakı insidentlə bağlı qeyd edib: “Bunlar İtalyan silah və sursatları deyil”.
