HƏMAS hərəkatı və İsrail Qəzza zolağında atəşkəs və israilli girovların azad edilməsi üzrə danışıqlarda irəliləyiş əldə edib.
“Füyuzat”ın məlumatına görə, bu barədə “Ynet” portalı HƏMAS-ın adı açıqlanmayan yüksək vəzifəli üzvünə istinadən məlumat yayıb.
“Müqavilə çərçivəsində azad edilməli olan girovların sayı ilə bağlı hələ də fikir ayrılıqları var. Tərəflər girovlardan hansının azad ediləcəyi ilə bağlı razılığa gələ bilmirlər. HƏMAS-dan danışıqlarla bağlı heç bir məlumatın açıqlamaması xahiş olunub. MOSSAD kəşfiyyat xidməti və İsrail Baş Təhlükəsizlik Xidmətinin rəhbərləri bir neçə həftə ərzində razılığın əldə oluna biləcəyini bildiriblər”, – məlumatda bildirilib.
