İsrail çatdırılma gecikmələri ilə bağlı problemləri aradan qaldırmaq və kritik sursat növlərində ehtiyaclarını təmin etmək üçün ağır tonajlı bombalar istehsal edəcək.
“Füyuzat”ın məlumatına görə, bu barədə İsrailin “Hayom” qəzeti məlumat yayıb.
“İsrail tərəfi Hərbi Hava Qüvvələri üçün ağır tonajlı bombaların, o cümlədən 907 kq ağırlığında Amerika aviasiya bombalarına bənzər, Ağ Evin göstərişi ilə təchizatı bir neçə ay dayandırılmış bombaların hazırlanması və istehsalı barədə qərar qəbul edilib. Mənbələr bombaların hazırlanmasının və onların istehsalına başlamasının iki-üç il çəkəcəyini qeyd edir”, – məlumatda bildirilib.
Qeyd edilir ki, İsraildə tank və zirehli transportyorların istehsalının artırılması planlaşdırılır, həmçinin İsrail hərbçiləri ABŞ-dan F-15 eskadrası və İsrail Hərbi Dəniz Qüvvələri üçün yeni gəmilər almaq üçün nazirlər komissiyasından razılıq gözləyirlər.
