ABŞ Konqresinin Nümayəndələr Palatası bazar ertəsi, aprelin 15-də İrana qarşı yeni sanksiyaları müzakirə edəcək.
“Füyuzat”ın məlumatına görə, bu barədə “Axios” portalı məlumat yayıb.
Qeyd edilib ki, qanunvericilər Tehrana qarşı mövcud məhdudiyyətlərə tam əməl olunmasını, habelə onlara nəzarət tədbirlərinin gücləndirilməsini tələb edə bilərlər.
Bazar ertəsi müzakirə olunacaq sənədlər arasında ABŞ prezidenti Co Bayden administrasiyasının rəsmi ritorikasına zidd olan sənədlər də var. Beləliklə, bir qrup qanunverici iddia edir ki, Nümayəndələr Palatası İsrailin İranın hücumuna hərbi, diplomatik, iqtisadi və digər zəruri vasitələrlə cavab vermək hüququnu təsdiq etməlidir.
Eyni zamanda, daha əvvəl Ağ Evin Milli Təhlükəsizlik Şurasının strateji kommunikasiyalar üzrə koordinatoru Con Kirbi NBC telekanalının efirində demişdi ki, ABŞ regionda eskalasiyaya can atmır.
