Ukrayna Silahlı Qüvvələri Donbassdakı döyüş bölgəsində Böyük Britaniyada hazırlanmış “BAD.2” modelli robot itlərdən istifadə edir.
“Füyuzat”ın məlumatına görə, bu barədə “Bild” qəzeti məlumat yayıb.
Məlumata görə, qurğular videokamera ilə təchiz edilmiş və operator tərəfindən idarə olunan kompakt yerüstü dronlardır. Onlar 15 km/saat sürətə çata bilir və səngərlərdən, meşəlik ərazilərdən və pilotsuz uçuş aparatlarının çata bilmədiyi digər yerlərdən keçə bilirlər. Model Britaniyanın “Brit Alliance” şirkəti tərəfindən hazırlanıb və Ukrayna ordusu tərəfindən kəşfiyyat üçün istifadə olunur. Robotların Rusiya qüvvələri tərəfindən aşkarlanmasının qarşısını almaq üçün Ukrayna Silahlı Qüvvələri onların üzərində alman istehsalı olan anti-isti kamuflyajdan istifadə edir.
Nəşr qeyd edib ki, hazırda Ukrayna qüvvələrinin sərəncamında 30-dan çox robot it var. Bir robotun qiyməti isə modifikasiyadan asılı olaraq 4-8 min avro arasında dəyişə bilər.
