Rusiya, Belarus, Qazaxıstan, Qırğızıstan və Tacikistanın nümayəndələri Kollektiv Təhlükəsizlik Müqaviləsi Təşkilatının (KTMT) Kollektiv Çevik Reaksiya Qüvvələrinin (CRRF) Mərkəzi Asiyada yerləşdirilməsi və istifadəsi üzrə təkliflərin hazırlanmasını müzakirə edirlər.
“Füyuzat”ın məlumatına görə, bu barədə TASS-a KTMT-nin Birgə Qərargahının mətbuat katibi Vladislav Şeqrikoviç məlumat verib.
“Sentyabrın 3-dən 4-dək Moskvada Birləşmiş Qərargah və KTMT Katibliyinin birgə təlimi zamanı KTMT-nin Kollektiv Çevik Reaksiya Qüvvələrinin Mərkəzi Asiya regionunda kollektiv təhlükəsizlik bölgəsində yerləşdirilməsi və istifadəsi üzrə təkliflərin hazırlanması məsələləri işlənir”, – deyə Şeqrikoviç qeyd edib.
Təlim çərçivəsində KTMT-nin işçi orqanlarının və təşkilata üzv dövlətlərin operativ qruplarının böhran vəziyyətinə reaksiya vermək üçün fəaliyyət alqoritmləri hazırlanır. Bundan başqa, qərar layihələri Qırğızıstan ərazisində “Qarşılıqlı fəaliyyət-2024” komanda-qərargah təlimi, “Axtarış-2024” və “Eşelon-2024” xüsusi təlimləri zamanı kontingentlərdən istifadə üçün əsas təşkil edəcək.
