KTMT-nin kəşfiyyat qüvvələri və vasitələri ilə keçirilən “Poisk-2024” xüsusi təlimləri çərçivəsində kəşfiyyat qrupları təlim ərazilərinə yerləşdirilib.
“Füyuzat”ın məlumatına görə, bu barədə TASS-a KTMT-nin Birgə Qərargahının mətbuat katibi Vladislav Şeqrikoviç məlumat verib.
“Qırğızıstan Respublikasında “Edelveys” poliqonunda “Poisk-2024″ kəşfiyyat qüvvələri və vasitələri ilə keçirilən xüsusi təlim çərçivəsində kəşfiyyat qrupları tapşırığın yerinə yetirildiyi ərazilərə yerləşdirilib”, – məlumatda bildirilib.
Məlumata görə, kəşfiyyatçılar şərti düşmənin və qeyri-qanuni silahlı birləşmələrin müxtəlif hədəflərini axtarmalı, həmçinin silahların koordinasiyalı atəşini nizamlamalı və digər xüsusi tədbirlər həyata keçirməli olacaqlar.
Qeyd edək ki, təlim çərçivəsində kəşfiyyata birgə nəzarət mərkəzi yaradılıb.
