Belarus və Rusiya prezidentləri Aleksandr Lukaşenko və Vladimir Putin dekabrın 25-də təkbətək görüş zamanı regional təhlükəsizlik məsələlərini, eləcə də ikitərəfli münasibətləri müzakirə ediblər.
“Füyuzat”ın məlumatına görə, bu barədə jurnalistlərə Belarus liderinin mətbuat katibi Natalya Eysmont bildirib.
“Siz və mən başa düşürük ki, prezidentlər heç vaxt təhlükəsizlik məsələlərini nəzərdən qaçıra bilməzlər. Təbii ki, bunlar bir nömrəli suallardır”, – deyə sözçü jurnalistin müvafiq sualına cavab verib.
Onun sözlərinə görə, görüşdə ölkələr arasında müxtəlif sahələrdə, o cümlədən iqtisadiyyat sahəsində əməkdaşlıq məsələləri də müzakirə olunub: “Əlbəttə, bu yaxınlarda VGS var idi, lakin buna baxmayaraq, hökumətlər çox yaxşı işləyir, prezidentlər hər zaman, o cümlədən telefon danışıqları formatında əlaqə saxlayırlar və burada hər zaman mövzuları müzakirə etmək imkanı tapırlar”.
O, həmçinin Belarus liderinə istinad edərək qeyd edib ki, prezidentlər dövlət məsələləri və şəxsi məsələlər haqqında danışıblar.
