Avropa Komissiyasının rəhbəri Ursula fon der Lyayen İranın İsrailə raket hücumlarını kəskin şəkildə pisləyib və bütün tərəfləri mülki şəxslərin təhlükəsizliyini təmin etməyə çağırıb.
“Füyuzat”ın məlumatına görə, o bu barədə “X” səhifəsində yazıb.
“Mən İranın İsrailə raket hücumlarını qətiyyətlə pisləyirəm. Bu cür hərəkətlər regional təhlükəsizliyi təhdid edir və onsuz da çox dəyişkən olan bir mühitdə gərginliyi daha da artırır”, – Lyayen bildirib.
Avropa Komissiyasının rəhbəri həmçinin Livan və Qəzzada atəşkəs elan edilməsinə, bütün girovların azad edilməsinə çağırıb.
