“İsrail HƏMAS hərəkatı kimi Qəzza zolağında atəşkəsin yaradılması ilə bağlı hazırkı danışıqlarda kompromis həll yoluna getməyə can atmır. Bu, danışıqlar prosesini ciddi şəkildə çətinləşdirir”.
“Füyuzat”ın məlumatına görə, bunu Misirin baş naziri Mustafa Madbouli söyləyib.
“Hər bir tərəf kompromis əldə etmək üçün daxildən əhəmiyyətli təzyiq altındadır və bu, işləri ciddi şəkildə çətinləşdirir. Heç kim bütün iştirakçıların maraqlarına xidmət edəcək optimal həll yoluna can atmır. Bunun əvəzinə hər bir tərəf yalnız öz mövqeyindən danışır. Hazırda danışıqlarda müəyyən irəliləyiş var, ancaq bəlli bir neçə məqamlarda” , – nazir bildirib.
Madbouli qeyd edib ki, Misir Rəfahın işğalı halında fələstinliləri qəbul etməyə hazırdır, lakin hadisələrin bu cür inkişafını istəmir.
“İki dövlətli həll prinsipinin həyata keçirilməsinə əsaslanmayan istənilən razılaşma qısamüddətli olacaq, yeni böhran başlayacaq və bu, bütün regiona mənfi təsir göstərəcək”, – o əlavə edib.
