Xəbər verdiyimiz kimi, “Azərbaycan Nəşriyyatları Assosiasiyası” İctimai Birliyi (ANAİB) və Mədəniyyət Nazirliyinin birgə təşkilatçılığı ilə Bakı İdman Sarayında ANAİB I Bakı Kitab Festivalı keçirilir.
“Füyuzat”ın məlumatına görə, festival çərçivəsində “Füyuzat gəncliyə çağırış” mövzusunda seminar keçiriləcək.
Seminarın müəllifi “Füyuzat” jurnalının baş redaktoru Mübariz Yunus olacaq.
Mübariz Yunus “Füyuzat” ədəbi irsinin Azərbaycan tarixindəki rolundan, cəmiyyətin maarifləndirilməsi, xalqımızın milli özünüdərkindəki xidmətindən danışacaq və “Füyuzat” irsinin gələcək əhəmiyyəti barədə gəncliyə xitab edəcək.
Seminar 22 dekabr, saat 16:00-da Bakı İdman Sarayında baş tutacaq.
Giriş sərbəstdir.
