Norveç artan xarici təhlükələr qarşısında ölkənin müdafiə qabiliyyətini gücləndirmək üçün qarşıdakı 12 il ərzində hərbi xərclərini 600 milyard NOK (56 milyard dollar) artırmağı planlaşdırır.
“Füyuzat”ın məlumatına görə, bu barədə Skandinaviya ölkəsinin hökumətinin bəyanatında deyilir.
Norveç hakimiyyət orqanlarının məlumatına görə, 2036-cı ilə qədər onlar müdafiəyə ümumilikdə 1,62 trilyon kron (151 milyard dollardan çox) xərcləmək niyyətindədirlər.
“Bu plan müdafiə xərclərinin tarixi artımını nəzərdə tutur və silahlı qüvvələrin bütün qollarının əhəmiyyətli dərəcədə gücləndirilməsini əhatə edir”, – Norveç hökumətinin başçısı Jonas Gahr Store bildirib.
