“Rusiya Ukraynadakı münaqişəni siyasi və diplomatik vasitələrlə həll etmək niyyətindədir”.
“Füyuzat”ın məlumatına görə, bunu Rusiya prezidentinin mətbuat katibi Dmitri Peskov deyib.
“Rusiya və Ukrayna nümayəndə heyətlərinin yeni görüşünün hələlik dəqiq tarixləri razılaşdırılmayıb, lakin rəhbərlər əlaqə saxlayır. Rusiya ümid edir ki, Trampın Ukraynada nizamlanmaya doğru mühüm vasitəçilik səyləri davam edəcək.
Rusiya və ABŞ arasında Ukrayna məsələsi ilə bağlı iş qeyri-ictimai formatda aparılmalıdır ki, nəticə əldə olunsun. Ukraynada münaqişə mürəkkəbdir və Rusiya tərəfindən təxribat törədilməyib.
Təhlükəsizlik zəmanətləri Ukraynada nizamlanma axtarışında ən mühüm mövzulardan biridir və gündəmdədir.
Eyni zamanda, Rusiya Ukrayna ərazisində Avropa qoşunlarının olması ehtimalı ilə bağlı müzakirələrə mənfi yanaşır”, – Peskov qeyd edib.
