Polşa prezidenti Andjey Duda bazar ertəsi axşam Ermənistana gəlib.
“Füyuzat”ın məlumatına görə, bu barədə “Armenia news” məlumat yayıb.
Bazar ertəsi axşam Anjey Dudanın təyyarəsi İrəvanın Zvartnots Beynəlxalq Hava Limanına enib, onu Ermənistanın əmək və sosial məsələlər naziri Narek Mkrtçyan qarşılayıb.
Bundan əvvəl Polşa prezidentinin rəsmi saytında Dudanın bazar ertəsindən çərşənbə gününə kimi Ermənistanda rəsmi səfərdə olacağı barədə məlumat yerləşdirilib.
Həmçinin qeyd edilir ki, Dudanı həyat yoldaşı Aqata Kornhauzer-Duda da müşayiət edəcək.
Ermənistana səfəri çərçivəsində Polşa prezidentinin Ermənistan prezidenti Vaaqn Xaçaturyanla təkbətək görüşü olacaq və bundan sonra iki tərəfdən nümayəndə heyəti arasında geniş tərkibdə danışıqlar aparılacaq.
