Rusiya və Hindistan hərbçiləri müdafiə sektorunda, o cümlədən birgə təlimlər sahəsində əməkdaşlığı genişləndirmək barədə razılığa gəliblər.
“Füyuzat”ın məlumatına görə, bu barədə Hindistan Müdafiə Nazirliyi məlumat yayıb.
“Görüş iki ölkə arasında uzun müddətdir mövcud olan strateji tərəfdaşlığın inkişafında mühüm mərhələ oldu. Görüş zamanı iştirakçılar strateji maraq kəsb edən sahələrdə davamlı bilik mübadiləsinin və əməkdaşlığın vacibliyini vurğuladılar. Tərəflər həmçinin iki ölkə arasında əməliyyat əməkdaşlığını daha da gücləndirmək üçün birgə təlimləri genişləndirmək barədə razılığa gəliblər”, – məlumatda bildirilib
