“ABŞ-ın hazırkı prezidenti Co Bayden administrasiyası və onun Avropadakı müttəfiqləri yanvarın 20-də vəzifəsinin icrasına başlayacaq ABŞ-ın yeni prezidenti Donald Trampın Ukraynadakı münaqişənin həllinə nail olmasına mane olmağa çalışır”.
“Füyuzat”ın məlumatına görə, bunu Macarıstanın xarici işlər və xarici iqtisadi əlaqələr naziri Peter Siyarto deyib.
“Son günlərdə baş verən son dərəcə narahatedici hadisələr, o cümlədən uzaqmənzilli Qərb silahlarından Rusiya ərazisinin dərinliklərinə zərbələr endirilməsi və Rusiyanın “Oreşnik” ballistik raketindən istifadə etməsi bir şeyi təsdiqləyir: sülh dərhal bağlanmalıdır. Macarıstan dərhal atəşkəsə üstünlük verir və Ukraynaya növbəti silah tədarükünü son dərəcə təhlükəli hesab edir. Qərb ora milyardlarla avro dəyərində silah göndərib, lakin bu, döyüş meydanında dönüş nöqtəsinə gətirib çıxarmayıb. Silahların daha çox tədarükü nəyə gətirib çıxaracaq? Müharibənin davam etməsinə, yeni itkilərə, iztirablara, dağıntılara, hərbi əməliyyatların genişlənməsinə. Sülh səyləri qarşıdakı iki ay ərzində mümkün olan hər şəkildə gücləndirilməlidir”, – Siyarto əlavə edib.
