Astana İrəvanla Bakının sülh müqaviləsi bağlamaq istəyini alqışlayır və xoşməramlılıq missiyasını üzərinə götürərək danışıqlar üçün platforma təqdim etməyə hazırdır.
“Füyuzat”ın məlumatına görə, bu barədə Qazaxıstan prezidenti Kasım-Jomart Tokayev İrəvanda Ermənistanın baş naziri Nikol Paşinyan ilə birgə keçirdiyi görüşdə deyib.
“Əsas məqsədimiz dost ölkələrimizi bir-birinə daha da yaxınlaşdırmaq, regionda sülh və davamlı sabitlik üçün yollar açmaqdır”, – o qeyd edib.
Tərəflər iqtisadi və investisiya əməkdaşlığı məsələlərini də müzakirə ediblər.
“Astana Paşinyanın regionda “Sülh yolayrıcı” təşəbbüsünü alqışlayır. Həmçinin iki ölkə arasında hava nəqliyyatını stimullaşdırmaq lazımdır”, – Qazaxıstan prezidenti əlavə edib.
Qeyd edək ki, bu, Qazaxıstan prezidenti Kasım-Jomart Tokayevin Ermənistana ilk rəsmi səfəridir.
