Türkiyənin Xarici İşlər Nazirliyi (XİN) Qazaxıstanın Aktau şəhəri yaxınlığında baş verən təyyarə qəzasında həyatını itirənlərlə bağlı başsağlığı verib.
“Füyuzat”ın məlumatına görə, bu barədə XİN-in yazılı açıqlamasında bildirilib.
“Bu gün səhər saatlarında Qazaxıstanın Aktau şəhəri yaxınlığında Bakı-Qroznı reysini həyata keçirən sərnişin təyyarəsinin qəzaya uğraması bizi dərindən kədərləndirib”, – məlumatda qeyd edilib.
Bəyanatda qəzada həyatını itirənlərə Allahdan rəhmət, yaxınlarına başsağlığı, yaralananlara isə tezliklə şəfa dilənib: “Bu çətin günlərdə azərbaycanlı və qazax qardaşlarımıza hər cür dəstək veriləcək”.
