Xorvatiyanın hazırkı prezidenti Zoran Milanoviç prezident seçkilərinin sonuncu – ikinci turunun nəticələrinə görə, 74,68% səs toplayıb.
“Füyuzat”ın məlumatına görə, bu barədə Xorvatiya Respublikasının Dövlət Seçki Komissiyasından (DSK) məlumat verilib.
6755 seçki məntəqəsindən daxil olan məlumatlara görə, Milanoviç 1122859 səs (74,68%), müstəqil namizəd Draqan Primoratz isə 380 752 səs (25,32%) toplayıb.
Verilən məlumata görə, seçici fəallığı 44,18% təşkil edib.
Qeyd edək ki, Milanoviç ötən il dekabrın 29-da keçirilən seçkilərin ilk turunda seçicilərin 49,09 %-nin, onun əsas rəqibi Primoratz isə 19,35 %-nin dəstəyini qazanıb.
