Yaponiyanın “Sakana AI” tədqiqat və inkişaf şirkəti elmi kəşflər üçün ilk “süni intellekt alimi” sistemini yaradıb.
“Füyuzat”ın məlumatına görə, şirkətin internet saytında paylaşılan bloq yazısında “Foerster Laboratories”, Oksford Universiteti və bir çox digər universitetlərlə birgə iş nəticəsində ilk “süni intellekt alimi”nin hazırlandığı açıqlanıb.
Məqalədə bildirilir ki, inkişaf etmiş süni intellekt alimi elmi kəşflər və tədqiqatlar üçün maşın öyrənmə sistemindən istifadə edə bilər.
Məqalədə “süni intellekt alimi” sisteminin mövcud tədqiqatları tədqiq etməklə yanaşı, yeni tədqiqat ideyaları təklif edə biləcəyi bildirilib və bu sistemin tədqiqat üçün kodlar yaza biləcəyi də qeyd edilib.
Məqalədə sistemin tədqiqat nəticələrini ümumiləşdirə və öz tapıntılarını elmi yazı kimi təqdim edə biləcəyi də izah edilir.
Həmçinin sistemin süni intellektin yaratdığı məqalələri insana yaxın dəqiqliklə qiymətləndirə bildiyi qeyd edilib və sistemin alimlərin yaratdığı elmi ictimaiyyət mühitini təqlid edə biləcəyi iddia edilib.
