Cənubi Koreyanın “Hyundai Rotem” şirkəti və Perunun “FAME” silah fabriki “K2” tanklarının və təkərli zirehli personal daşıyıcılarının çatdırılmasından əvvəl əməkdaşlıq müqaviləsi imzalayıb.
“Füyuzat”ın məlumatına görə, bu barədə “Yonhap” agentliyi Cənubi Koreya təşkilatına istinadən məlumat yayıb.
“Biz Koreya Respublikasında əsas döyüş tanklarının yeganə istehsalçısı olaraq öz texnologiyamız və biliklərimizlə Peru ordusunun modernləşdirilməsinə kömək edəcəyik. Hazırkı müqavilə Peruya tankların və zirehli personal daşıyıcılarının tədarükü üçün rəsmi müqavilənin imzalanmasından əvvəl ilkin proseduru təmsil edir. Saziş iki dövlətin liderlərinin iştirakı ilə imzalanıb”, – məlumatda bildirilib.
