Ukrayna Prezidenti Volodimir Zelenski Kiyevin Rusiya-Ukrayna müharibəsini bitirmək üçün hazırladığı Qələbə Planını bu həftə avropalı müttəfiqlərinə təqdim edəcəklərini açıqlayıb.
“Füyuzat”ın məlumatına görə, bu barədə Zelenski sosial media hesabındakı açıqlamasında bildirib.
“Rusiyanı müharibəni ədalətli şəkildə bitirməyə məcbur etmək üçün strategiyamızı, Qələbə Planımızı bu həftə bütün avropalı tərəfdaşlarımıza təqdim edəcəyik. Əlbəttə ki, tərəfdaşlarımızdan aldığımız ilk cavab ictimaiyyətə açıqlanacaq. Bizim, həqiqətən, maksimum dəstəyə ehtiyacımız var”, – Zelenski qeyd edib.
