İsrail Qəzza zolağının şimalında yerləşən Kamal Advan xəstəxanasına ilk dəfə olaraq kamikadze robotlarından istifadə edərək hücumlar həyata keçirib.
“Füyuzat”ın məlumatına görə, bu barədə “Əl-Cəzirə” telekanalı məlumat yayıb.
“İsrail hərbçiləri xəstəxananı tanklardan atəşə tutur, həmçinin dronlarından istifadə edir. Tibb müəssisəsində təxliyəsi, demək olar ki, mümkün olmayan yeni doğulmuş körpələr də daxil olmaqla 400-ə yaxın mülki şəxs var. Bu yaxınlarda iki döyüş robotu xəstəxananın yaxınlığında partladı, ciddi dağıntılar törədilib, 20-yə yaxın insan yaralanıb”, – xəstəxananın direktoru bildirib.
